ابوظهبي – 23 – مئي (اي پي پي) وزيراعظم محمد شهباز شريف گڏيل عرب امارات جي هڪ ڏينهن جي دوري تي ابوظهبي پهچي ويو. وزيراعظم آفيس جي ميڊيا ونگ پاران جاري بيان موجب ابوظهبي پهچڻ تي نائب صدر، نائب وزيراعظم ۽ چيئرمين صدارتي درٻار شيخ منصور بن زايد النهيان وزيراعظم جو شاندار استقبال ڪيو. استقبال ڪندڙن ۾ گڏيل عرب امارات ۾ پاڪستاني سفير فيصل نياز ترمذي، پاڪستان ۾ اماراتي سفير حماد عبيد ابراهيم الزابي ۽ اعليٰ پاڪستاني ۽ اماراتي عملدار پڻ شامل هئا. وزيراعظم پنهنجي دوري دوران انفارميشن ٽيڪنالاجي جي شعبي سان تعلق رکندڙ پاڪستاني ۽ گڏيل عرب امارات جي ڪاروباري شخصيتن ۽ سيڙپڪارن سان ملاقات ڪندو.