ڄڳ اچ ٹیکنالوجی پاروں ہی ترقی ممکن تھئی، غلام اسحاق خان انسٹیٹیوٹ دے کیمپس پورے ملک اچ ہووݨے چاہیدن، نگران وزیراعظم دا خطاب

صوابی۔20دسمبر(اے پی پی):نگران وزیراعظم انوارالحق کاکڑ آکھیے جو ڄڳ اچ ٹیکنالوجی پاروں ہی ترقی ممکن تھئی، غلام اسحاق خان انسٹیٹیوٹ دے کیمپس پورے ملک اچ ہووݨے چاہیدن، تعلیمی ادارے ملک کیتے اہم ہین، اسلام وی علم تے وݙا زور ݙتے۔ اے ڳالھ انہاں صوابی اچ غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی ٹوپی اچ طلبا وطالبات نال خطاب کریندے آکھی۔ نگران وزیراعظم آکھیا جو غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی ڄھیں ادارے ٻݨاوݨ پاکستان دے مقاصد اتے اہداف دا حصہ ہین جیندے کیتے پاکستان ٻݨیے تاں جو اساں آوݨ الیاں نسلاں دے مستقبل کوں نویں وماقع ݙے سڳوں، میݙے خیال اچ اینڄھے ٻئے ادارے ہوݨے چاہیدن، ڄڳ اچ اینڄھی کوئی شئے کائنی جو یک دم مک ونڄے، انہاں اداریاں اچ زیر تعلیم ساݙی نوجوان نسل مستقبل دی قیادت اے۔c

مضمون کا ماخذ : اٹلانٹس کا بادشاہ

متعلقہ مضامین