اسلام آباد۔17اگست (اے پی پی):وفاقی وزیر ماحولیاتی تبدیلی سینیٹر شیری رحمان آکھیے اڄوکے سال بلوچستان اچ معمول توں 605 فیصد ، سندھ اچ 525 فیصد توں ودھ مینھ وسیے ، گلیشیر پگھلݨ پاروں سیلاب دے خطرے ودھ ڳئن ، پاکستان موسمیاتی تبدیلی دے اثرات اچ صف اول وچ اے ۔اے ڳالھیں وفاقی وزیر ٻدھ کوں اتھاں بزنس سمٹ 2022 اچ خطاب کریندے ہوئیں آکھئن ۔وفاقی وزیر آکھیے جو گلوبل وارمنگ ھک حقیقت اے جیں توں انکار نی کیتا ونڄ سڳدا ، پاکستان دا شمار ماحولیاتی تبدیلی توں متاثر تھیوݨ آلے ملکاں اچ تھیندے ،ماحولیاتی آلودگی اتے موسمیاتی تبدیلی تکھے بدلدی پئی اے ،ماحولیاتی تبدیلی دے ساݙے ملک تے وݙے اثرات پئن ، شیری رحمان آکھیے اساکوں غیر معمولی درجہ حرارت تے مینھ دا سامݨا اے اڄوکے سال بلوچستان اچ 605 فیصد اتے سندھ اچ 525 فیصد ودھ مینھ وٹھے ۔انہاں آکھیے جو گلیشیر پگھلݨ دی وجہ توں سیلاب دے خطرے ودھ ڳئن پاکستان موسمیاتی تبدیلی دے اثرات اچ صف اول اچ اے،پاکستان دے گلیشیئر پگھلدے پئن ۔ شیری رحمان آکھیے جو اساکوں موسمیاتی تبدیلی دی شدت اتے اثرات بارے لوکاں کوں ݙساوݨ دی لوڑھ اے ،ترقی یافتہ ملکاں کوں کاربن گیساں دے اخراج اچ کمی کیتے بین الاقوامی فورمز تے کیتے ڳئے وعدیں تے عمل کرݨا چاہیدے،ماحولیاتی تبدیلی دی رفتار کوں ݙیکھدے ہوئیں آپݨی ساری ترجیحات کوں 2050 توں 2030 تئیں منتقل کرݨ دی لوڑھ اے ، شیری رحمان آکھیے جو اڄوکے سال زیادہ تر مغربی ملکاں کوں ودھدے ہوئے درجہ حرارت تے پاݨی دی کمی دا سامݨا ہئی ،ماحولیاتی تبدیلی ساݙے 9.1 فیصد جی ڈی پی تے اثر انداز تھیندی اے ، انہاں آکھیے نواب شاہ، جیکب آباد اتے تربت مسلسل ترائٖ سال توں دنیا دے گرم ترین شہر رہئن ،انہاں جہیں دا درجہ حرارت 50 ڈگری توں ودھ ریکارڈ کیتا ڳئے جیڑھا جو نا قابل رہائش اے۔وفاقی وزیر آکھیے جو ساݙے کیتے سنگین وجودی بحران اے، پاکستان آپݨی توجہ کاربن دے اخراج اچ تخفیف تے مرکوز کرݙتی اے ۔انہاں آکھیے جو صنعتی کمپنیاں کوں ماحول دوست اہداف بݨاوݨ وی لوڑھ اے ۔
.jpg)
