پاکستان ، تاجکستان، افغانستان اتے کرغزستان دے رہنماواں ” کاسا1000 “ بجلی منصوبے دا آغاز کرڈتا جنوبی ایشیاءدے توانائی اتے تجارتی راہداریاں دے ذریعہ وسطی ایشیاءدے نال جڑ ونجنڑ نال سماجی ترقی اتے خوشحالی امسی ،وزیراعظم محمد نواز شریف

دوشنبے۔ 12 مئی (اے پی پی) پاکستان ، تاجکستان، افغانستان اتے کرغزستان دے رہنماواں خمیس کوں ”وسطی ایشیاء، جنوبی ایشیا۔کاسا1000 “ بجلی منصوبے دا سانجھے طور تے باضابطہ آغاز کر ڈتے اتے اینکوں سارے متعلقہ ملکاں اتے انہاں دی خوشحالی سانگے ہو جہے طور تے فائدہ مند قرار ڈتے ۔ وزیراعظم محمد نواز شریف، تاجکستان دے صدر امام علی رحمانوف، افغانستان دے چیف ایگزیکٹو عبداللہ عبداللہ اتے کرغزستان دے وزیراعظم جین بیکوف سورانبائی دارالحکومت دوشنبے توں تقریباً47 کلومیٹر پرے طورسنزادے شہر اچ منصوبے دا باضابطہ آغازکیتا۔ کاسا1000 دے تحت پاکستان کوں افغانستان دے رستے تاجکستان اتے کرغزستان توں ہک ہزار میگاواٹ بجلی ملسی جڈاں جو کل 1300میگاواٹ اچوں افغانستان کوں وی 300میگاواٹ بجلی ملسی۔ داتکا اچ ذیلی سٹیشن دے نال کرغزستان توں شروع تھیونڑ آلی ٹرانسمیشن لائن دے تاجکستان اچ 4 ذیلی سٹیشن ہوسن اتے ولا افغانستان توں گزردی ہوئی نوشہر ہ اچ کنورٹر سٹیشن دے نال پاکستان پج ویسی۔ چارے رہنماواں تقریب اچ تقریر اچ منصوبے کوں ترجیحی بنیاداں تے وختی عملی جامہ پواونڑ تے اتفاق کیتا اتے آکھیا جو اے منصوبہ وسطی ایشیاءاتے جنوبی ایشیاءوچال علاقائی ہم آہنگی سانگے اہم سنگ میل ثابت تھیسے ۔

مضمون کا ماخذ : اسٹریٹیجیا لاٹوفاسیل

متعلقہ مضامین