پاڪستان ۽ ملائيشيا جي وزيراعظمن پاران تاريخي ۽ ڀائراڻن لاڳاپن تي اطمينان جو اظهار، ٻنهي ملڪن جي وچ ۾ تعاون وڌائڻ تي اتفاق

اسلام آباد – 03 – آڪٽوبر (اي پي پي) پاڪستان ۽ ملائيشيا جي وزيراعظمن تاريخي ۽ ڀائراڻن لاڳاپن تي اطمينان جو اظهار ڪندي ٻنهي ملڪن جي وچ ۾ عوامي رابطن کي فروغ ڏيڻ، پائيدار سماجي ۽ اقتصادي ترقي ۽ گڏيل افهام تفهيم کي فروغ ڏيڻ ۾ سياحت جي صنعت ۽ نوجوانن جي مٽاسٽا جي ضرورت تي زور ڏنو آهي جڏهن ته هوابازي ۽ اڏامن جي تعاون کي وسيع ڪرڻ جو فيصلو ۽ حلال مصنوعات جي پروسيسنگ ۾ تعاون وڌائڻ تي اتفاق ڪيو آهي. وزيراعظم آفيس جي ميڊيا ونگ پاران جاري پڌرائي موجب پاڪستان ۽ ملائيشيا جي وچ ۾ وفدن جي سطح تي ڳالهه ٻولهه ٿي. ملائيشيا جي وزيراعظم انور ابراهيم جي پاڪستان جي دوري جي موقعي تي پاڪستان ۽ ملائيشيا جي وچ ۾ وفدن جي سطح تي ڳالهه ٻولهه ٿي. پاڪستان جي وزيراعظم محمد شهباز شريف ۽ ملائيشيا جي وزيراعظم انور ابراهيم پنهنجي پنهنجي وفدن جي قيادت ڪئي. ٻنهي وزيراعظمن پاڪستان ۽ ملائيشيا جي وچ ۾ تاريخي ۽ ڀائراڻن لاڳاپن تي اطمينان جو اظهار ڪيو ۽ باقاعده اعليٰ سطح مٽاسٽا، اسٽريٽجڪ ڊائيلاگ ۽ ٻطرفي اداراجاتي حڪمت عملي کي مضبوط بڻائڻ تي زور ڏنو. 8 نومبر 2007ع تي ڪوالالمپور ۾ صحيحون ڪيل ملائيشيا – پاڪستان جامع اقتصادي حصيداري جي معاهدي جي توثيق ڪندي ٻنهي ڌرين ٻطرفي اقتصادي تعاون کي مضبوط بڻائڻ، واپار وڌائڻ، اهم شعبن ۾ تعاون کي وڌائڻ ۽ واپاري عدم توازن کي ختم ڪرڻ تي اتفاق ڪيو. ان ڏس ۾ ٻنهي ڌرين ٻطرفي اقتصادي حصيداري کي وڌيڪ مضبوط بڻائڻ ۽ جائزي جي لاءِ جلد جامع اقتصادي حصيداري جي معاهدي جي گڏيل جائزه ڪميٽي جو اجلاس جلد گهرائڻ تي اتفاق ڪيو. ٻنهي طرفن حلال مصنوعات جي پروسيسنگ ۾ تعاون وڌائڻ تي اتفاق ڪيو. پاڪستان پاران حلال مصنوعات جي گهرج کي پورو ڪرڻ جي لاءِ ملائيشيا کي حلال گوشت جي برآمد وڌائڻ جي آڇ ڪئي وئي. وزيراعظم پاڪستان مان ملائيشيا کي حلال گوشت جي برآمد کي ساليانو 200 ملين ڊالر تائين وٺي وڃڻ جي تجويز ڏني. ٻنهي ڌرين پنهنجي اسٽريٽجڪ حصيداري ۽ پهرين آگسٽ 1997ع تي صحيحون ڪيل دفاعي تعاون جي مفاهمت نامي جي حوالي سان ٻطرفي دفاعي مٽاسٽا جي اهميت جو ورجاءُ ڪيو ۽ نومبر 2023ع ۾ اسلام آباد ۾ ٿيندڙ 14هين دفاعي تعاون بابت گڏيل ڪميٽي (جي سي ڊي سي) ۾ ڪيل فيصلن کي ساراهيو. وزيراعظم شهباز شريف آئيڊياز 2024ع ۾ شرڪت جي لاءِ ملائيشيا جي اعليٰ سطح جو وفد موڪلڻ جي فيصلي جي آجيان ڪئي. ٻنهي ڌرين اعليٰ تعليم ۽ فني ۽ پيشيواراڻي تربيت جي ادارن جي وچ ۾ تعليمي رابطن ۽ تعاون کي وڌائڻ جي ضرورت تي اتفاق ڪيو. هن پاڪستان ۽ ملائيشيا جي وچ ۾ عوامي رابطن کي فروغ ڏيڻ، پائيدار سماجي ۽ اقتصادي ترقي ۽ گڏيل افهام تفهيم کي فروغ ڏيڻ ۾ سياحت جي صنعت ۽ نوجوانن جي مٽاسٽا جي ضرورت تي زور ڏنو. هن ٻنهي ملڪن جي وچ ۾ سياحت ۾ اضافي جي آجيان ڪئي. ان کانسواءِ هوابازي ۽ اڏامن جي تعاون کي وسيع ڪرڻ جو پڻ فيصلو ڪيو ويو. ڌرين ٻطرفي ڪاروبار کي وڌائڻ جو فيصلو ڪيو. ڌرين فلسطين ۽ وچ اوڀر جي صورتحال سميت اهم علائقائي ۽ عالمي اڳڀرائي تي پڻ خيالن جي ڏي وٺ ڪئي. بعد ۾ ٻنهي وزيراعظمن مفاهمت جي يادداشتن (ايم او يوز) ۽ تعاون جي هڪ دستاويز جي مٽاسٽا واري تقريب ۾ شرڪت ڪئي. ٽريڊ ڊيولپمينٽ اٿارٽي آف پاڪستان (ٽي ڊي اي پي) ۽ ملائيشيا ايڪسٽرنل ٽريڊ ڊيولپمينٽ ڪوآپريشن جي وچ ۾ واپاري تعاون تي مفاهمت جي يادداشت ۽ پاڪستان – ملائيشيا بزنس ڪائونسل (پي ايم بي سي) ۽ ملائيشيا – پاڪستن بزنس ڪائونسل (ايم پي بي سي) جي وچ ۾ حلال واپار ۾ تعاون جي لاءِ ايم او يو جي مٽاسٽا ڪئي وئي. پاڪستان ٽيلي ڪميونيڪشن اٿارٽي (پي ٽي آي) ملائيشين ڪميونيڪشن اينڊ ملٽي ميڊيا ڪميشن (ايم سي ايم سي) جي وچ ۾ تعاون جي هڪ دستاويز تي پڻ صحيحون ڪيون ويون. وزيراعظم محمد شهباز شريف ملائيشيا جي وزيراعظم ۽ سندس وفد جي اعزاز ۾ مانجهاندو پڻ ڏنو.

مضمون کا ماخذ : میگا مولا۔

متعلقہ مضامین