د اولس مشر ممنون حسېن او د تاجک اولس مشر امام علی رحمانوف ترمېنځه ملاقات

دوشنبے 19 جون (اے پي پي) پاکستان او تاجکستان شريك تجارت تر 50 كروړه ډالرو رسولو٬ د فضائي سروس بحالي او د كاسا 1000 د منصوبې زر تر زره بشپړولو ته سلا شوي او ورسره ئې د دې لوظ پخلے كرې چې د ترهګرۍ او انتها خوښۍ لعنت خاتمې له به په ګډه كار دوامداره ساتلې شي۔ دا خبرې د اولس مشر ممنون حسېن د تاجكستان اولسمشر امام علي رحمانوف ترمېنځه د نهې په ورځ ملاقات شوې ۔ د ملاقات نه پس تاجك اولس مشر سره په ګډه خبري كنفرنس ته خپلې وېنا كښې اولس مشر ممنون حسېن د تاجكستان د دورې په بلنه د امام علي رحمانوف مننه كولو سره د تاجكستان اولس مشر ٬ حكومت او اولس ته په نړيوال كنفرنس كولو مباركي وركړه۔ اولس مشر دا باور څرګند كړو چې په دې غېر معمولي اجتماع كښې بشري خېرښګړې لپاره د شوو پرېكړو به په زړه پورې نتيجې رامخې ته شي۔ ده ووئيل تاجك خپل همڅنګ سره ملاقات د دوه اړخيزه مرستې په لړ كښې ډېر مهم ٶ چې پكښې د توان ٬ ٬ تجارت او د دفاع غوندې موضوعاتو باندې خبرې شوې۔ په دې موقع په سيمه ايزو او نړيوال چارو هم غور وشو۔ ده ووئيل د دې خبرو د لارې مونږ په دې نتيجه رسېدلې يو چې د دواړو هېوادونو ترمېنځه شريك مفادات له اوس هم په ډېرو څانګو كښې په ګډه د كار كولو ګنجائش شته۔ ده ووئيل په ملاقات كښې سيمه ايز وحدت٬ شريك تجارت او رابطو ته وده وركولو لپاره سړك٬ رېل او فضائي لارې په كارولو هم خبرې شوې او دا پرېكړه شوې چې روابط زياتولو لپاره به فضائي رابطې بيا د سره بحالولې شي۔ اولس مشر ممنون حسېن ووئيل د دواړو هېوادونو ترمېنځه شريك مفادات لپاره په بېلا بېلو څانګو كښې مرسته زياتولو لپاره په نوو لوظنامو او د تفاهم په يادښتونو هم لاسليك شوې چې ورسره دوه اړخيزه اريكې نوي بام ته رسولو لپاره زمونږ د عزم څرګندونه كېږي۔ اولس مشر ووئيل د ترهګرۍ او انتها خوښۍ لعنت خاتمې له په ګډه د كار كولو لپاره د لوظ پخلې هم شوې خو دا خبره د تسلۍ ده چې د شريكو خطرو مخنيوي لپاره د دفاع او سلامتيا په څانګو كښې زمونږ د ګډې عمل ورځ په ورځ زياتېږي او دا خبره هم د خوشحالۍ ده چې د نړيوالې ترهګرۍ مخنيوي په لړ كښې د دواړو هېوادونو د شريكې وركنګ ډلې وړومبنۍ غونډه سږ كال فرورۍ كښې دوشنبے كښې شوې چې له مخې ئې مونږ د پولو ترمېنځه د نشه اي توكو او د بشري قاچاق غوندې د منظمو جرمونو مخحنيوي لپاره هم كار كوٶ۔ اولس مشر ووئيل دواړو هېوادونو د دفاع په څانګه كښې هم مرستې ته لا وده وركولو لپاره پرېكړه شوې چې له مخئ به ئې په پاكستان سفارت كښې د دفاع څانګه جوړولې شي او د تاجكستان وسله وال ځواكونه مضبوطولو لپاره به بشپړه مرسته كولې شي۔ ده ووئيل دواړه هېوادونه د شريك تجارت زياتي لپاره عزم لري٬ په دې لړ كښې د پاكستان په سفارت كښې كمرشل سېكسن جوړ كړې شوې او د تجارت٬ سرمايه كارۍ او تقل او حمل په لړ كښې د ډلې په وړومبنۍ غونډه كښې په پرېكړو عملدرامد هم جاري دے۔ اولس مشر ووئيل دواړه روڼه هېوادونه د پېړو راهسې په ژورو تاريخي او كلتوري رشتو تړلې دي خو په كال 1991 كښې د تاجكستان د آزادۍ نه پس دې رشتو ته نوې ولوله ترسره شوې ٬ زمونږ تر مېنځه په بېلا بېلو مهمو څانګو كښې قوي مرسته موجوده ده كومه چې پرله پسې زياتېږي۔ اولس مشر ووئيل دا د خوشحالۍ خبره ده چې د دواړو روڼو هېوادونو ترمېنځه د لوړ پوري قيادت د دورو د تګ راتګ لړۍ روانه ده ۔اولس مشر ورياد كړل چې په دې وروستيو كښې په شنګهائي مرستې تنظيم مشرانو غونډه كښې اولس مشر امام علي رحمانوف سره زما تفصيلي ملاقات شوې ٶ كوم چې ډېر ښه ٶ چې ورسره امام علي رحمانوف لپاره زما مينه لا زياته شوې۔ اولس مشر ووئيل كه د شنګهائي مرستې تنظيم فورم وي يا د اسلامي مرستې تنظيم ٬ د ملګرو ملتونو يا د اقتصادي مرستې تنظيم پاكستان او تاجكستان به په هر فورم تل يو بل سره مرسته كوي كوم چې د دواړو هېوادونو د مخلصانه اړيكو يو ځانګړې اړخ دے۔ ده ووئيل تېر كال اېس سي او كښې بشپړه غړيبوب نه پس د دواړو هېوادونو ترمېنځه د مرستې نوې لارې پرانستلې شوې كوم چې زمونږ د اړيكو يو نوې اړخ دے۔ اولس مشر ووئيل د كال 2016 جون په مياشت كښې په 5م مشتركه وزارتي كمېسون غونډه كښې په شوې پرېكړه په ښه طريقه عملدرآمد روان دې۔ د غونډې د پرېكړې له مخې د توان، تجارت، سرمایه کاری، صنعت، د نقل و حمل د ذريعو، د زراعت او د سائنس او ټیکنالوجۍ په څانګو كښې مرستې لپاره څلور وركنګ ډلې جوړې كړې شوې او د خوشحالۍ خبره دا ده چې دا ډلې په ښه ډول كار كوي٬ د تجارت ، سرمایه کاری ، نقل و حمل او په تېل او ګاز د كار كوٶنكو ډلو غونډې شوې دي چې پكښې اشتراك عمل كښې زياتوالي لپاره كوټلې وړاندېزونه هم وركړې شوې۔ اولس مشر ووئيل هيله څرګنده كړه چې د نورو ډلو غونډې به هم زر وشي۔ اولس مشر توقع ښكاره كړه چې تاجكستان به هم د څلورو هېوادونو ټرافك ان ټرانزټ لوظنامه كښې شريك شي ٬ د دې لوظنامې له مخئ به تاجكستان ته تجارت لپاره د پاكستان بندر ځايونو ته رسنې لپاره د زمكيزو لارو كارولو قانوني حق ترلاسه شي٬ په دې لوظنامه كښې پاکستان ، چین ، کرغستان او قزاخستان د وړاندې نه موجود دي۔ اولس مشر ممنون حسېن ووئيل د تاجكستان غوندې پاكستان هم د كاسا 1000 منصوبې زر تر زره د بشپړېدو خواش لري او دې مقصد لپاره به ټول وسائل كارولې شي۔ اولس مشر په دې موقع د تاجكستان خپل همڅنګ ته د پاكستان دورې بلنه وركولو سره هيله څرګنده كړه چې امام علي رحمانوف به ډېر زر اسلام آباد كښې مېلمه وي۔ په دې موقع تاجك اولس مشر امام علی رحمانوف ووئيل د پاکستان او تاجکستان ترمېنځه د ورورولۍ ژورې روابط موجود دي٬ پاكستان يوازې ملګرې نه بلكې رشته دار او ورور هم دے٬ مونږ د پاكستان تاجكستان ترمېنځه دواړه اړيكو ته په ټولو څانګو كښې پراختيا وركولو له خوښي لرو

مضمون کا ماخذ : پاور بال انعامات

متعلقہ مضامین