اطلاعات، نشريات، قومي ورثي ۽ ثقافت واري وفاقي وزير عطاءُ الله تارڙ پاران لاهور پريس ڪلب جي نئين چونڊيل عهديدارن کي مبارڪباد

اسلام آباد – 30 – ڊسمبر (اي پي پي) اطلاعات، نشريات، قومي ورثي ۽ ثقافت واري وفاقي وزير عطاءُ الله تارڙ لاهور پريس ڪلب جي نئين چونڊيل عهديدارن کي مبارڪباد ڏيندي چيو ته پريس ڪلب صحافين جو مضبوط آواز آهي، پريس ڪلب سدائين عوام جا مسئلا ايوانن تائين پهچايا. لاهور پريس ڪلب جي نئين چونڊيل صدر ارشد انصاري، سيڪريٽري زاهد عابد، سينيئر نائب صدر افضال طالب، نائب صدر صائمه نواز، جوائنٽ سيڪريٽري عمران شيخ، فنانس سيڪريٽري سالڪ نواز ۽ نئين چونڊيل گورننگ باڊي کي مبارڪباد واري پيغام ۾ اطلاعات واري وفاقي وزير عطاءُ الله تارڙ چيو ته مسلم ليگ (ن) جي حڪومت اظهار راءِ جي آزادي ۽ صحافت جي آزادي تي پڪو يقين رکي ٿي، لاهور جي صحافي برادري جو آئين ۽ قانون جي بالادستي ۽ جمهوري روايتن جي لاءِ اهم ڪردار آهي. هن چيو ته پريس ڪلب صحافين جو مضبوط آواز آهي، پريس ڪلب سدائين عوام جا مسئلا ايوانن تائين پهچايا. وفاقي وزير چيو ته حڪومت صحافين جي ڀلائي لاءِ هر ممڪن قدم کڻي رهي آهي. هن ان اميد جو اظهار ڪيو ته لاهور پريس ڪلب جي نئين چونڊيل قيادت صحافين جي ڀلائي لاءِ پنهنجو ڪردار ادا ڪندي. اطلاعات واري وفاقي وزير عطاءُ الله تارڙ لاهور پريس ڪلب جي نئين چونڊيل باڊي جي لاءِ نيڪ خواهشن جو اظهار ڪيو.

مضمون کا ماخذ : loterias da caixa

متعلقہ مضامین