گهرو وزير محسن نقوي جي هدايت تي 15 جنوري کان ٻارن لاءِ خصوصي سيڪيورٽي فيچرز وارو ب فارم متعارف ڪرائڻ جو فيصلو

اسلام آباد-01 جنوري (اي پي پي) گهرو معاملن واري وفاقي وزير محسن نقوي جي هدايت تي تاريخ ۾ پهريون ڀيرو 10 سالن جي عمر کان وڏن ٻارن لاءِ 15 جنوري کان خصوصي سيڪيورٽي فيچرز وارو ب فارم متعارف ڪرائڻ جو فيصلو ڪيو ويو آهي. سيڪيورٽي فيچرز تحت 10 سالن کان وڏي عمر جي ٻارن جا آڱرين جا نشان ۽ تصوير کي ب فارم جو لازمي حصو بڻايو ويو آهي. گهرو وزارت جي ترجمان موجب خصوصي ب فارم (رجسٽريشن سرٽيفڪيٽ) جاري ڪرڻ جو مرحليو 15 جنوري کان شروع ڪيو ويندو. گهرو وزير جي هدايت تي نادرا جو پاسپورٽ کاتي جي سهڪار سان 10 سالن کان وڏي عمر جي ٻارن جي آڱرين جا نشان ۽ تصوير وارو بي فارم جاري ٿيندو، انهن قدمن سان ٻارن جي شناختي معلومات جي چوري ۽ ان جي غلط استعمال کي روڪڻ ۾ مدد ملندي. اهي قدم ٻارن جي جعلي شناختي ڪارڊن، غير قانوني پاسپورٽ حاصل ڪرڻ ۽ انساني اسمگلنگ جهڙن ڏوهن جي روڪٿام ۾ مددگار ثابت ٿيندا. گهرو وزير محسن نقوي، نادرا چيئرمين، ڊي جي پاسپورٽ ۽ پوري ٽيم کي مختصر مدي ۾ ب فارم ۾ سڌارا متعارف ڪرائڻ تي مبارڪون ڏيندي چيو ته پهرين مرحلي ۾ 10 سالن کان وڏي ۽ 18 سالن کان ننڍي عمر جي ٻارن کان 15 جنوري کان نادرا سينٽر تي اڱرين جا نشان ۽ تصويرون ورتيون وينديون. انهن ٻارن سان گڏ والدين مان ڪنهن هڪ يا قانوني سرپرست جو اچڻ لازمي آهي ۽ کين پاڻ سان گڏ پنهنجو ڪمپيوٽرائزڊ قومي شناختي ڪارڊ ۽ ٻارن جو يونين ڪائونسل يا ٽائون ڪميٽي مان جاري ٿيل ڪمپيوٽرائزڊ پيدائش سرٽيفڪيٽ به آڻڻو پوندو. 10 سالن کان وڌيڪ ۽ 18 سالن کان ننڍي عمر جي ٻارن لاءِ نئين پاسپورٽ جي درخواست ڏيندي وقت نادرا کان جاري ٿيل آڱرين جا نشان ۽ تصوير وارو ب فارم پيش ڪرڻ پوندو. پراڻو ب فارم قابل قبول نه هوندو. والدين يا قانوني سرپرست نادار کان آڱرين جي نشان ۽ تصوير وارو نئون ب فارم ٺهرائين. ڊائريڪٽوريٽ جنرل آف اميگريشن اينڊ پاسپورٽ جي درخواست تي ڪارروائي دوران نادرا جي ڊيٽا بيس کان ٻارن جي تصوير ۽آڱرين جي نشانن جي تصديق ڪندو. ايندڙ مرحلي ۾ وڌيڪ سڌارا متعارف ڪرايا ويندا، يونين ڪائونسل ۾ اکين جا نشان يعني آئرس اسڪين، تصويرن ۽ آڱرين جا نشان حاصل ڪرڻ جي سهولت فراهم ڪئي ويندي. گهرو وزارت جي ترجمان موجب نادرا جي شناختي نظام کي صوبن جي سول رجسٽريشن مينيجمينٽ سسٽم سان ضم ڪرڻ جا قدم کنيا ويندا. نادرا جي پاڪ آءِ ڊي موبائيل ايپ تي پهرين کان بهتر خدمتن جي فراهمي يقيني بڻائڻ لاءِ قدم کنيا ويندا. سمورن پاڪستاني شهرين کي ڊجيٽل آءِ ڊي جاري ڪئي ويندي.

مضمون کا ماخذ : Loteria Instantânea

متعلقہ مضامین