وزيراعظم محمد شهباز شريف جو دورو پاڪ چين لاڳاپن کي هٿي ڏيندو: چيني ڪمپنيون

بيجنگ – 09 جون (اي پي پي) وزيراعظم محمد شهباز شريف جي چين جي هاڻوڪي دوري کان پوءِ پاڪستان ۾ ڪم ڪندڙ چيني ڪمپنيون چين پاڪستان اقتصادي راهداري (سي پيڪ) جي ٻئي مرحلي لاءِ بهترين موقعن جي اميد رکن ٿيون، دنيا جي ناليواريون چيني انجنيئرنگ ۽ پاور ڪمپنيون، جيئن ته سي ايم اي سي ۽ پاور چائنا پاڪستان جو مقصد سيڙپڪاري کي وڌائڻ ۽ مختلف شعبن ۾ نوان منصوبا شروع ڪرڻ آهي. چيني ميڊيا سان ڳالهائيندي چائنه مشينري انجنيئرنگ ڪارپوريشن پاڪستان جي وائيس جنرل مئنيجر ڊائي باو سي پيڪ جي ٻئي مرحلي دوران پاڪستان حڪومت سان تعاون ۾ ڀرپور دلچسپي جو اظهار ڪيو آهي. هن صدر شي جن پنگ ۽ وزيراعظم محمد شهباز شريف وچ ۾ هاڻوڪي اعليٰ سطحي ملاقات جو اعتراف ڪيو. هن چيو ته سي پيڪ جي شروعاتي مرحلي، پاڪستان جي قومي تقدير لاءِ هڪ مضبوط بنياد رکي ۽ وڌيڪ ٻه طرفي تعاون لاءِ اهم فريم ورڪ قائم ڪيو. هي اڳڀرائي ايندڙ مرحلي جي راهه هموار ڪري ٿي ۽ ٻئي ڌريون سي پيڪ جي نئين مرحلي جي شروعات جو بي تابي سان انتظار ڪري رهيو آهيون. هن چيو ته وزيراعظم جو چين جو دورو تبديلي جي هن مرحلي جي شروعات جو اشارو ڏنو آهي، ڪمپني جي سينئر نمائندي ان ڳالهه تي روشني وڌي ته ٻئي قومون تازه ڪاميابين جو مشاهدو ڪرڻ ۽ گڏيل ڪوريڊور جي نئين انداز کي اختيار ڪرڻ جي خواهش رکن ٿيون. چين جي سڌارن ۽ وڏي دل سان پنهنجي تجربن مان فائدو کڻندي، پاڪستان ڏانهن حمايت جو دوستاڻو هٿ وڌايو آهي. قابل ذڪر ڳالهه اها آهي ته سي ايم اي سي 1981ع کان پاڪستان ۾ ڪم ڪندڙ پهرين چيني سهڪاري ڪمپني بڻجي وئي. ڊائي باني چيو ته پاڪستان جي ترقي کي ويجهي کان ڏسڻ کان پوءِ اسان کي يقين آهي، ته ٻئي ملڪ هن نئين باب مان فائدو کڻندا. اسان جي ڪمپني گذريل 5 سالن ۾ هن لمحي لاءِ ڀرپور طريقي سان تياري ڪئي آهي جنهن ۾ صنعتڪاري، زرعي جديدڪاري، واپار، صحت جي سار سنڀال، تعليم، غربت جي خاتمي ۽ وڌيڪ شعبن ۾ ڀائيواري لاءِ جامع منصوبابندي ڪئي وئي آهي. هن چيو ته ٻنهي حڪومتن جي پختي حمايت سان اسان هن سنگ ميل جي منصوبن ۾ نمايان تعاون لاءِ پرعزم آهيون. وزيراعظم محمد شهباز شريف سان پنهنجي هاڻوڪي ملاقات دوران پاور چائنه جي چيئرمين ڊنگ يان زانگ يقين ڏياريو ته ان جي ڪمپني پاڪستان ۾ هائيڊرو پاور، جديد توانائي ۽ ٻين شعبن ۾ فعال طور تي حصو وٺڻ لاءِ تيار آهي، جنهن سان مقامي توانائي جي ڍانچي کي بهتر بڻائڻ ۽ سبز ترقي کي هٿي ڏني ويندي. پاور ڪنسٽرڪشن ڪارپوريشن آف چائنه پاڪستان ۾ پاڻي، هوا، شمسي ۽ کاڻين جي وسيلن مان ڀرپور فائدو کڻندي لاڳاپيل بين الاقوامي سراڪتدارن سان گڏ وڌيڪ سيڙپڪاري، انجنيئرنگ ۽ تعميراتي موقعا تلاش ڪندي. ان کان اڳ ڪمپني جا وڏا منصوبا مڪمل ڪيا آهن، جن ۾ پورٽ قاسم ۾ 2660 ميگاواٽ، ڪوئلي مان هلندڙ پاور پلانٽ، دادو ونڊ پاور پروجيڪٽ، حويلي بهادر شاهه 1230 ميگواٽ جو ڪمبائنڊ سائيڪل ڪول مان هلندڙ پاور پروجيڪٽ، تربيلا چوٿون ايڪسٽينشن هائيڊرو پاور اسٽيشن(سول ورڪس) جڏهن ته هن وقت سنڌ ۾ ڪجهه شمسي ۽ هوا مان بجلي جي منصوبن سميت تربيلا 5 جي توسيعي هائيڊرو پاور پراجيڪٽ (سول ورڪس) ۽ ميگا پراجيڪٽ ديا مير ڀاشا ڊيم سميت ڪيترائي منصوبا تعمير ڪري رهي آهي.

مضمون کا ماخذ : لاٹری جیتنے کے نمبر

متعلقہ مضامین